J Lalruatsangi'n pawisa a dawng
admin 09-Dec-2024 06:27 PM
Praise On, 2024-a pahnihna J Lalruatsangi chuan nimin (8.12.2024) khan amah tantute leh ngainatute hnen atangin pawisa a dawng.
J Lalruatsangi tantu leh ngainatute hian whatsapp-ah group an siam a, chuta member-te chuan pawisa an thawhkhawm a ni. Nimin khan J Lalruatsangi hi a awmnaah kalchilhin, an pawisa thawhkhawm hi an hlan. A pawisa zat tarlan ni chiah lo mah se, tlem lo viau tih a hriat.
Lawmthu sawiin J Lalruatsangi chuan, 'Pathian ropui ber se, tun dinhmun min hruai thlengtu Pathian chauhin ropuina chang se,' a ti.
A zai lo ngainatute chungah a lawm takzet tih sawiin J Lalruatsangi chuan, 'Tun dinhmun ka thlen theihna chhan nangmahni vang liau liau a ni. Lawmthu sawi dan ka thiam lo 'ka lawm e' tih bak, ka lawm a ni tawp mai,' tiin Lalpan a let tam takin vur let se a duhthu a sawi.
Tarlan tawh angin, J Lalruatsangi hi a chen meka Sihphir Village Council chuan in hmun an lo pe tawh a ni.
