Rsa'n zirlaite fuihna thu a sawi

Youth Icon star J Lalrosanga chuan nimin (16.12.2024) a St Anthnoys Higher Secondary School-te'n Bawngkawn South YMA Hall-a Advance Christmas an hmannaah thu tawi sawi tura sawm a nih angin a zai hmain zirlaite fuihna thu a sawi.

J Lalrosanga chuan Pathianin rem a ti a nih chuan kan hma lawkah Krismas kan thleng dawn tih sawiin, 'He hunah hian kan inchhirna tur engmah tih loh tur. Ruihhlo emaw, mipat hmeichhiatna, kan inchhirna tur thil reng reng tih loh tur. Nu leh pate duh zawng tih a pawimawh a, an rilru kan hriatthiampui a ngai. Thil tha lo lakah kan inven thiam a ngai,' a ti.

Zirlaite chu tun dinhmuna an duty chu lehkha zir that a nih thu sawiin J Lalrosanga chuan, 'Lehkha tha taka in zira, in taimak a pawimawh khawp mai. Pathian khawngaihna zarah zaiin ei ka zawng chho tan a, zinga ka chhuak hi a tuk zing dar 1-ahte ka haw chauh thin. Ei turte ka pa chhuak a, remchangah ka ei thin. Pathiannin hlawhtlinna min pe a, ina awm mai maia pawisa hlawh theih a ni bik lo,' tiin kawng engkimah theihtawp chhuah a ngaih thu a sawi.

J Lalrosanga hian khawsik chungin sawmna a dawn hi a ti hlawhtling a, a taksa chau hle mah se, a programme neihsa cancel loh hram a tum.