Hmun hnihah heroin an man

Champhai leh Serchhipa Excise & Narcotics Department (E&ND) te chuan nimin (2.6.2025) khan heroin an man a, a neituah puh chu hmeichhia ve ve an ni.

Champhaiah chuan E&ND te hian zing dar 6:45 khan an thudawn bawhzuiin NH 06 Chhungte khaw hnuaiah heroin grams 71.700, sahbawn bawm paruka dah an man.

Heroin neitua puh Lalhriatzuali (23), Tlangsam, Champhai nia inchhal pawh man nghalin, thubuai am siam sak.

Serchhip E&ND te chuan Hmangaihpari (48), Serchhip Bazar Hnuai nia insawi hnen atangin heroin nia hriat grams 1.90 an man. ND&PS Act hnuaiah thubuai siam sak niin vawiin hian Serchhip District Court-ah hruai a ni ang.

Thlalak : Serchhipa heroin an man