LC hruaitute'n CM an kawm

Vawiin (2.7.2025) hian Chief Minister Lalduhoma chuan a office-ah Aizawl City Local Council Association hruaitute a kawm a, an mamawh thlen te a ngaihthlaksak.

Chief Minister hian Aizawl chu hmun ralmuang taka siam tul a tih thu LC hruaitute hi a hrilh a, tleirawl rual, midang sual rawn ching te an awm nia a hriat thu sawiin, 'Heng mite hi tihtawp hmiah a ngai. Tin, kan khawlai hi zurui emaw buaina siam chingte lakah fihlim se. Nunau leh hmeichhe tan pawha hmun ralmuang taka kan siam a ngai a ni. Local council ten mahni area theuhah, tlawmngaipawlte nena tang tlanga hma lo la turin ka ngen che u a ni,' a ti. 

ILP chungchang pawh Chief Minister hian LC hruaitute hi sawipuii, 'Dan lek kawh kawngah LC-te tanpuina kan mamawh,' tiin NOC issue kawngah pawh fimkhur lehzual turin a ngen.

Aizawl City Local Council Association hruaitute hian an lawmman tihsan chungchang leh Aizawla an office hmun ve tur Chief Minister hi an sawipui. Chief Minister hian an dilnate a lo zirchiansak tur thu a hrilh. Local Council Association hian Chief Minister Relief Fund-ah Rs. 10000 an chhunglut nghal a ni.