CYMA-in Krismas thilpek a sem

Tukin (21.12.2024) dar 8:00 khan Central YMA chuan Aizawl leh a chheh vela Zohnahthlak Manipur leh Myanmar atanga raltlan awm khawmna relief camp-te pualin Krismas thilpek an sem chhuak. 

Central YMA chuan Aizawl chhehvela refugee relief camp - Sairang, Sihhmui Camp I & II, BSUP Edenthar, RAY Falkland, Tuirial leh Leitan a awm chhungkaw 257 te tan cheng nuai li man buhfai, dal, tel & nutrela-te chu pick up motor 5 in an sem chhuak a ni.

Raltlante tana Krismas thilpek an sem chhuahte vai liam a hun tawi hmannaah hian Central YMA President Lalhmachhuana chuan Zohnahthlak kan unauten in sahim nana Mizoram in awm chhungin mahni awmna theuhah Mizo nun ze mawi hrang hrang nunpui a, ram leilung fate khawsak phung baka tumah khawsa bik lo tur in thilpek dawnga lo kal khawm raltlan camp hrang hrang aiawh te chu a chah a, ei leh bar an zawnna kawngah pawh tu tan maha hnawksaka awm lo turin a chah bawk. 

Central YMA chuan Mizoram hmun hrang hranga raltlan camp a awm te tan kumin Krismas thilpek atan ei leh in tur cheng nuaih 25 hu a sem chhuak tawh a ni.