Mizo zinga 1 million view ngah ber?

Lunglei naupang zaithiam, kum 8 mi lek Esther Hnamte chu Youtube-ah 1 million (nuai 10) view tling video 21 a nei tawh a, hriat theih chinah Mizo zinga mimal 1 million view video nei tam ber a ni.

Esther Hnamte-in 1 million view video a neihna zinga pathum chu midang nena an zaina niin, pahnih chu Assam Rifle-te nen music video an siam niin, pahnih dang leh chu Vande Mataram a zirlai video a ni a, a bak zawng chu amaha a zai lai video a ni.

Subscriber 1.02 nei mek Esther Hnamte hian 1 million view a nei satliah a ni loa, a video thenkhat chuan 1 million view a pel chiang hlawm hle. A video zinga viewrs ngah ber chu 3 Assam Rifles, Lunglei nena Jana Gana Mana hmanga music video an siam niin 45 million view a ni tawh!

Mizote kan tlem dan ngaihtuahin 1 million view video neih pawh thil awllai a ni hauh lo, kum 8 mi lek a ni chungin Esther Hnamte chuan video 21 ah 1 million view a nei tling ta der mai.

1 million view a neihnate : 

3 Assam Rifles,Lunglei, Mizoram nen (Jana Gana Mana) : 45 Million

Maa Tujhe Salaam Vande Mataram : 19 Million

Dilna hlawhtlintirtu Lalpa : 5.6 Million

One Day at a Time : 4:6 Million

Kan run lo mawi la : 4 Million

David Zawma nen an sak (Yaaron) : 3.7 Million

R Lalramchhana nena an sak (The Greatest Gift of All) : 3.6 Million

Angels Voices : 2.7 Million

Hear Us Out Lord! : 2.3 Million

Vande Mataram a zirlai : 2.3 Million

Aardy nen an zaina (Aasha Meri) : 2.2 Million

Ka fak ang : 2 Million

Assam Rifles nen (Bharat Ki Beti) : 1.7 Million

Mother how are you today : 1.5 Million

Yeh Doshi : 1.4 Million

Teuh lo mai : 1.3 Million

Vande Mataram a zirna tawi : 1.3 Million

Go light your World : 1.2 Million

Aw Krismas : 1.2 Million

Ka pa Khuma : 1.1 Million

Teri mitti Kesari  : 1 Million