Rsa music video 1 million view

Youth Icon star J Lalrosanga chuan a official music video pakhatna ni 6.12.2024 khan a youtube channel-ah ti chhuak. A fan-te'n 'Fuh chiangte' tia an koh Rsa music video hi a fuh chiang hle a ni ang, vawiin (9.12.2024) chaw hma lamah 1 million (nuai 10) view a tling der tawh. 

Rsa hian music video siamna atan hian Youth Icon-a a chet fuh pui em em 'Fuh chiang lo maw' tih a hmang a, a model hmante pawh an fuh chiang e. Mit leh beng an ti tlai hle. 

Ni thum pawh tling loah Rsa music  video hian 1 million a nei tling ta der tihna a ni a, kan hriat theih chinah Mizo zinga 1 million view nei rang ber a ni, a aia rang in hria em? A record hi tu takin rawn khum ang maw. 

Mah se, 1 million view nei rang ber nih tur tum hian a fan-te a tang hle nia hriat a ni. Ngaithla chiah lo pawhin an play nawn reng bakah, an chhung leh thiante mobile phone-ahte an play nasa nia sawite a awm. Eng pawh nise Rsa Jadeng hian ngainatu leh duhtu a ngah tih erawh phat rual a ni lo.