Covid chungchangah thuchhuah siam

Health Department hnuaia Integrated Disease Surveillance Programme (IDSP) chuan Covid-19 chungchanga Mizo mipuite hriattur a ti chhuak.

ISDP thuchhuah :

Tûn hnaia India ram hmun thenkhata Covid-19 Variant JN.1, XFG leh LF.7.9 positive case hmuhchhuah a nih leh chungchângah mipuite lo chiai lo tûrin sawrkar chuan a ngen. Tûn dinhmunah Covid-19 hri kaite hi na lutuk an awm loh avângin, in lamah enkawl an ni tlångpui. Covid-19 hrilêng chhui hna hi Integrated Disease Surveillance Programme (IDSP) leh Indian Council of Medical Research (ICMR) kaltlangin National Surveillance System chuan chhum lo chat loin a la kalpui reng a ni.

Mizoramin Covid-19 positive kan neih hnuhnun ber chu October 2024 kha a ni a, kum kal ta 2024 chhûnga Mizoramin Covid-19 cases a neih zawng zawng chu mi 73 an ni a, nunna chân an awm lo a ni.

Tûnah hian Mizoramah Covid-19 hri kai thar hi mi 2 (pahnih) hmuhchhuah an ni a, Zoram Medical College & Hospital, Falkâwnah enkawl mêk an ni a, ngaihtuahawm an ni lo.

1. Sahbon/Handwash hmangin Kut fai taka sil thin tur a ni a, hand sanitizer hman thin bawk tûr a ni.

2. Hritlâng âwm nå neite chuan mask vuah tur a ni.

3. Natna benvawn, heng cancer, zunthlum, thisen sång, asthma, HIV etc veite, nu naupai leh kum upa te fimkhur lehzual tur a ni a, a theih chuan puipunnaah kal loh hram tur a ni. Loh theih lova puipunna-a kal tûr te chuan mask uluk taka vuah tur a ni.

4. Covid symptom neite chu puipunna hmunah kal loh tur a ni a, midangte kan kai darh lohna túrin mahni invên fimkhur tûr a ni.