Building sak tha tawk loah ngai

Saitual District VC Association leh Saitual Sub-Hqrs YMA chuan Saitual District Hospital OPD Building sak mek chu a tha tawk loah an ngai.

Saitual District Hospital OPD Building sak mek hi a ban leh bang thenkhat plaster tha tawk loa hriain Saitual District VC Association leh Saitual Sub-Hqrs YMA  hruaituten nimin (29.5.2025) khan an endik.

Saitual District VC Association leh Saitual Sub-Hqrs YMA hruaitute sawi danin, OPD building sak mek hi 75% sak zawh tawh a ni a, a chhung leh pawn plaster zawng zawng a tha lo vek. Siamthat leh ngei a ngai.

Hnathawktu contractor leh hna enkawltu department chu uluk taka vil a, hna tha taka thawk tawh tura an duh thu sawiin Saitual District VC Association leh Saitual Sub-Hqrs YMA hruaitute chuan, 'Saitual District huamchhunga hmasawnna hnathawh reng reng a nih dan tur dik tak leh belhchian dawl taka thawh zel ni se kan duh. Hmanrua tha Sorkar-in a pawm ngei hman ni se kan duh a ni,' an ti.