K Vena zawhna chhang lo

Parliament Winter Session neih mekah Mizoram Rajya Sabha MP K.Vanlalvena zawhnate Union Minister pathumin chhanna an pe a, Manipur chungchanga a zawhna erawh Home Minister-in chhanna a pe thei lo thung a ni.

Mizoram Sorkar thuchhuah tarlan danin  Mizoram chhim tawp leh Bay of Bengal tuifinriat kal pawhna tura kawngpui sial mek KMTTP road project-ah kumin November thla thlengin cheng vaibelchhe  356 hman ral a nih tawh thu te, kms. 109 laih turah kms. 70 a thui laih mek a nih thu te, kms. 20 lei laih hna (earth work) zawh a nih tawh thute leh July, 2025 a zawh hman tura ruahman a nih thu Union Minister of State for External Affairs   Kirti Vardhan Singh an K Vena zawhna a chhang.

Mizoramah Oil leh Natural gas zawn chhuahna hna thawh mek a la ni em tih ML Vena zawhna chu Union Minister of State for Petroleum Suresh Gopi chuan chhangin, Mizoram chu block thumah thenin ONGC leh Vedanta Company-ten an la thawh mek thu a sawi. Union Minister of State for Commerce and Industry Jitin Prasada chuan Indo- Myanmar ramriah leh Indo- Bangladesh ramriahte insumdawn tawnnate nau border haat din a la nih loh thuin K Vanlalena zawhna a chhang bawk a ni.