Youth Icon top 10 te inlan dawn

LPS Vision Prodcution chuan December 18,2024 zanah LPS Studio atangin TV Leh Youtube kaltlanga chhim theih turin Krismas Pual, Samari mitha charity concert an buatsaih dawn a, Youth Icon 2024 top 10-te an in lan dawn.

Charity concert hi zan dar 8 ah neih tan tur a ni a, LPS presenter mi hriat hlawh chho takl Hruaitei'n a host anga, Icon top 10-te an zai dawn. Programme neih chhung hian tanpui ngaite puih theihna turin mipuite luan chhuahna hun siam a ni dawn a, Icon star te hi phone hmanga biak theih an ni anga, sum hi QR code hmanga pek tur a ni dawn a ni.

Icon star-te hi Krismas hla sa theuh turin an in buatsaih a, live music hmangin an zai dawn a, an zai hi anmahni inrem tura ruahman a ni.

LPS leh Icon star-te chuan charity concert hi thlir sak theuh tur leh an phal ang tawka tanpui ngaite tana luang chhuak turin mipui an sawm a ni.