MR Teahcer-te hmalam hun la hriat loh?

Sorkar hmasa MNF Sorkarin kum 2019-a zirtirtu indaih lohna avanga a lak Muster Roll (MR) Teacher-te enagegment order pek an nih tawh loh avangin an mangang.

MR Teacher-te hnen atanga Bengvarna thudawn danin, kum dangah chuan engagement order chu February thla chhungin an hmu thin a, kuminah chuan an la hmu lo. MR Teacher-te hi kum khat (March to February) zel atan engagement order pek thin an ni a; kum 2023-24 atana rawih an nihna a tawp tawh. Kum 2024-25 atana rawih an nihna tur an la hmu lo. 

MR Teacher hruaitute chuan, engagement order chhuah loh chungchangah hian Chief Minister Lalduhoma leh Education Minister Dr Vanlalthlana an hmu tawh a; mahse, engagement order tihchhuah a la ni lo. Hetihlai hian, sikul kal chhunzawm tawh lo tura tih pawh an ni chuang lo.

Thu dawnnain a sawi danin, MR zirtirtute chu engagement order awm loa sikul kal reng an phûr tawh lo. Lok Sabha inthlanah khan an zinga mi eng emaw zat chu polling official atan hman an ni a, duty-a chhuah loh mai an tumin, an pawl hruaitute'n sorkar ngaichâng a, thuawih taka awm phawt tura an ngen angin an duty a ni.

MR Teacher-te hi DPAR leh Finance Department pawmpuina-a Departmental Promotion Committee kaltlanga lak an ni. An vaiin mi 861 niin, ni khatah Rs. 570 an hlawh.

ZPM kaihhruai sorkar a pianin SEDP hnuaia zirtirtu leh thawktu dang lakte chhawr chhunzawm an nih dawn loh thu sawi a ni a, MR Teahcer-te erawh chhawr zui an nih dawn loh thu sawi a awm lo thung.'