AMC khapna thupek

Aizawl Municipal Corporation (AMC) Commissioner chuan notification chhuahin, lei laih leh leivung hmanga ruam/kawr chhun khah khap hun chhung a tarlang. He notification hian ni 15.5.2024 a notification chhuah a luahlan. 

AMC Commissioner notification : 

'Mizoramah furpui laia lei laih avangin chhiatna leh nunna chan palhna thleng palh thei a ni avangin Aizawl Municipal Corporation chuan lei laih phal loh hun chhung siam tulin a hria a. Regulation 10 of the AMC (Site Development & Slope Modification Regulations, 2017 in thuneihna a pek ang leh mipui him tlanna turin Aizawl Municipal Corporation chuan Aizawl Municipal area huam chhungah 1st July, 2024 atanga 31st October, 2024 chhungin lei laih leh leivung hmanga ruam/kawr chhun khah a khap a. He thupek bawhchhiate chu dan angin an chungah hremna lek a ni ang'