Padma Shri dawng turin thlang

Ministry of Home Affairs (MHA) chuan nimin (25.1.2025) khan Padma Award hrang hrang dawng tur an ti chhuak a, Mizo pakhat a tel. 

MHA hian Padma Vibhusan dawng tur 7, Padma Bhusan dawng tur mi 19 leh Padma Shri dawng tur mi 113 dawng tur hming a ti chhuak a, Padma Shri dawng tur zingah Renthlei Lalrawna (R Lalrawna), Electric Veng, Aizawl a tel. R Lalrawna hian Literature & Education huangah Padma Shri hi a dawng dawn. 

Remchang hmasaah President hnen atangin Rastrapati Bhavan-ah R Lalrawna hian Padma Shri hi a dawng ang.