Thil fel tawk lo awmah ngai

MZ0 Hqrs., Champhai chuan thuchhuah siamin, an executive committee member Pausianmuanga (PS Muanga) thih danah thil fel tawk lo awma an ngaih thu an tarlang. 

Champhai MZP chuan March 29, 2025 zana an thawhpui Pausianmuanga (PS Muanga) a thi chu pawi an tih takzet thu tarlangin, 'Pausianmuanga vanduaina tawh chungchangah hian thil fel tawk lo a awm ngei ni a hriat a nih avangin Champhai Police Station-ah March 30,2025 zan khan Champhai Police te hnenah Pausianmuanga thihchhan dik tak hi chak lehzual a chhui turin lehkha thehluh a ni,' an ti. 

Pausianmuanga thihna chungchang ah hian thu leng vak  a tam hle a, a thihchhan diktak hriat a nih vat theih nan hma an la zel dawn tih tarlangin Champhai MZP chuan, 'Champhai Police lamten theihtawp chhuah a he thihna chungchang a hma an lak naah lawmthu kan sawi tak zet,' tiin March 31,2025 hi chuan Champhai Police Station aṭangin thuchiang an hriat theih ngei an beisei tih an tarlang. 

Champhai MZP chuan, He thihna chungchangah hian pawi khawihtu ni a rinhelh pakhat chu man a ni tawh ni a hriat a ni a, mi kut tuar a thi a nih chuan MZP Headquarters Champhaite chuan kan thawhpui thlavang hi na takin a hauh dawn. Pawi khawihtute pawh an phu tawk hremna an hmuh ngei theihnan a tawp thlengin hma kan la chhunzawm ang,' an ti. 

Bengvarna thudawn danin, Pausianmuanga hi Chhangphut Field gallery atangin a thlang lamah tla thlaa hmuh a ni.