Ruihhlo zuar kan ngaithei lo - CM

Chief Minister Lalduhoma chuan vawiin (4.4.2025) chhun khan Tuirihiau Run, Buangpuiah Vantawng Group YMA Inkhawmpui vawi 26-na a hmanpuia, ruihhlo zuarte an ngaihtheih loh thu a sawi.

Lalduhoma chuan kan thalaite nun tihchhiatsaka, naupang te tea an boral pawh pawi ti map lo, ruihhlo zuarte hi an ngai thei  Kan en liam mai mai dawn lo. Tun hnaia drugs tam tham tak mantu Sub Inspector Zirthanga pawh kha vawiinah ka bia a, a thawhpuite nen chawimawina kan hlan dawn a ni. Ruihhlo dona kawngah kan tha kan thlah dawn lo,' a ti.

Mipuite nun kawng siamthatna leh khawtlang nun venhimna kawnga kan thawhpui pawimawh ber chu YMA-te an nih thu sawiin Chief Minister chuan, 'Mawhphurhna sang tak in chelh tih lo hre reng ang che u,' tiin YMA member-te hi a chah a, inkhawmpui hlim leh nuam tak hmang turin duhsakna a hlan.

Vantawng Group YMA ah hian branch 13 an awm a, member zat chu 7,523 an ni. Inkhawmpui leh inkhawmpui inkarah an member 62 an thi a, an member thite hi nimin rorel inkhawmah sunna an lo nei tawh a ni.