AMCECC leh Adviser to CM an inkawm

Vawiin (17.4.2025) chawhma khan Lalmuanpuia Punte, Political Adviser to Chief Minister chuan a pisa-ah All Mizoram CSS Employees Coordination Committee (AMCECC) hruaitute kawmin an harsatna tawhte a sawipui.  Adviser to CM hi H. Lalengmawia, Chief Secretary charge la mektuin a tawiawm.

Sorkar thuchhuah tarlan danin, AMCECC hruaitute chuan an dinhmun leh an harsatna tawhte an sawifiah a, Mizoramah CSS hnuaia lak sawrkar hnathawk 10,000 chuang an awm thu sawiin, hun rei tak ata tawh an dinhmun tha zawka siam a nih theih nan an beih tawh thin Adviser to CM hi an hrilh.

Sawrkarin inhawng taka indawr tawn theihna kawng a buatsaih sak chu lawmawm an tih sawiin AMCECC hruaitute chuan, 'Sawrkar chungah pawh beiseina sang tak kan nei,' an ti.

Lalmuanpuia Punte chuan Chief Minister-in CSS hnuaia hnathawkte a ngaih pawimawh thu sawii, an nawrhna sut turin AMCECC hruaitute a ngen a, an harsatna tawhte pawh Chief Minister a sawipui tur thu leh anmahni pawhin Chief Minister an hmuh theih hun remchang siam a nih tur thu a hrilh.

Adviser to CM chuan an harsatna tawhte chinfel a nih theih nan nawrh an kalpui lai mek sut a dawhkan kila tha taka sawiho a pawimawh thu a sawi,

AMCECC hruaitute pawhin sawrkarin an harsatnate a ngaih pawimawh sak a inbiakna hun a ruahman avanga lawmthu sawiin, boruak tha tak hnuaiah an inkawm a ni.