Bangladesh pawisa an man

Tunhnai khan India leh Bangladesh inrina Mizoram chhungah BSF-te chuan Bangladesh pawisa thahnem tak an man a, pawisa hi Lungleia Custom Department hnenah hlan a ni.

Thulaknain a tarlan danin, Tlabung Sub Division huam chhung Guruchera BoP-a BSF duty-te chuan ramri hrula bolero pick-up an endiknaah Bangladesh pawisa cheng nuai 36.62, India pawisa-a cheng nuai 25 vel chu hmu chhuakin, a neitua puh SK Masidul Haq pawh an man nghal.

BSF-te hian pawisa hi Tlabung Police hnenah an hlan a, pawisa hi Custom Department kaihhnawih thil a nih avangin Tlabung Police-te chuan tih fel ngaite an tihfel hnuah April 16, 2025 khan Lungleia Custom Department hnena hlan turin an thawn.