Sangha rutu an man

Khawzawl Police-te chuan nimin (10.4.2025) khan mi tuikhuah sangha zawrhlai eng emaw zat rutu mi pahnih an man a, jail-ah dah an ni tawh.

Khawzawl Police atanga Bengvarna thudawn danin, tuikhuah sangha zuar thinte hian Khawzawl Vengtharah kudam neiin, deep freezer-ah an sangha zawrhlai an dah thin. Mi pahnihte hian kudam hi rawkin, sangha hi an ru a ni. Sangha rutute hi Khawzawl tho an ni. 

Sangha hi tlem an hralh hman a, a leitute hian an lo la chhum hman loh avangin a vaiin hmuhlet leh vek a ni. Police-te chuan thuzawhfiah ngaite an zawhfiah hnuah rukrute hi jail-ah dah an ni.

File photo