Methamphetamine thahnem tak an man

Tukin (12.4.2025) dar 8 vel khan Siachangkawn, Lawngtlai District khaw daiah, YLA, Siachangkawn Branch, Mizoram Police leh 20th Assam Rifles tangkawp chuan methamphetamine mum 1,80,000 an man.

Thulaknain a tarlan danin, Police, Assam Rifle leh YLA tangkawpte hian Apache Bike, MZ-03A-0350 chu enfiahin, he bike a chuang Phunthawnga (42) s/o Macheu-a (L) Lungrang, Halkha District Myanmar, tuna New Siaha East-Il a khawsa nia inchhal hnen atangin methamphetamine hi an man.

Methamphetamine an man hi kgs. 17.946 a rit niin tualchhunga hralhna anga chhutin Rs. 23,329,800 man niin, international rate anga chhutin Rs. 54,000,000 man a ni thung.

Methamphetamine neitu a puh hi Bualpui NG Police Out Post ah tihtur tulte buaipui a nih hnuah Lawngtlai panpui a ni a, ruihhlo phurhna atana hman bike pawh police-ten an hreng nghal.