Bike-a phurh methamphetamine an man

Ni 16.7.2025 zing dar 9 vel khan Zokhawthar Police Station staff-te chuan dn duty naah Myanmar bike pakhata inphurte hnen atang methamphetamine thahnem tak an man.

Police atanga thudawn danin, Zokhawthar Police-te hian Myanmar bike hmanga rawn in phurte chu ringhlelin, an lo ti ding a, nylon bag an ah atangin methamphetamine kgs, 7.167 (tablets 60,600) an hmu chhuak. Methamphetamine-te hi bundles 6 a dah a ni a, bundles 6 ah hian bundels te zawk 5 zel a awm.

Methamphetamine neitua puh bike-a chuang Nguntawksang (25) s/o Suichung, of Thantlang, Falam District, Myanmar; tuna Zokhawthara cheng mek leh  Khupdaihmung (40) s/o Suankampau, of Kaptel, Tedim District, Myanmar; tuna Zokhawthara cheng mekte man nghal an ni.

Nguntawksang leh Khupdaihmung te lakah hian Zokhawthar Police Station-ah ziahluh a ni a, methamphetamine an man sak kgs. 7.167 hi cheng nuai 93.17 man hua chhut a ni. Police-te chuan a inhnamhnawih dang an awm em tih an chhui zui mek zel.