Lunglei Local Council-te an thukhawm

Lunglei Local Council Association (LLCA) executive vawiin (11.4.2025) a thukhawm chuan Myanmar atanga rawn raltlante zan lama an chhuah theih hun leh sumdawngte teikual theih hun an bituk.

LLCA thu pass-te :

1. Myanmar raltlante leh mipuite kan him zawk theih nan zan dar 9 hnulamah Lunglei khawpui chhungah Myanmar raltlante pawn chhuak lo turin kan in ngen a, eng emaw harsatna nei an awm a nih chuan an awmna Local Council-ah hriattir hmasak zel tur a ni.

2. Mipuite kan him zawk theih nan sumdawnga teikual Burma sumdawng, vai thir chhe zawng, gas/cooker siamte April 15, 2025 atangin Lunglei khawpui chhungah Inrinni leh sorkar holiday-ah chauh  sumdawng phal sak an ni

3. Lunglei Local Council Association chuan ATL road chungchanga Lunglei pawl hrang hrangte hmalakna hi ka thlawp tlat a, Thenzawl leh Lunglei inkar hi tha tak a siam vat turin sorkar kan ngen tak zet a ni. NH54(A) ni thin 3 Gate to AOC inkar hi fur hma ngei a siam a nih theih nan sorkar in chak tak a hmala turin kan ngen a ni.

4. Lunglei khawpui chhungin tui harsatna kan tawk nasa em em a, nakum lamah hetiang harsatna kan tawh lohna turin kan tui lakna ber a GLWSS Pialthleng phase-2 hna tawh mek a zawh hun tur August 2025 a zawh ngei a nih theih nan sorkarin contructor-te uluk zawk a vil turin kan ngen a ni.