SP leh NGO-te'n raltlan camp an tlawh

Vawiin (24.4.2025) chawhma khan Lunglei SP J Lalmuankima hoin Lunglei Sub. Hqrs. YMA, MZP, MSU-te, Lunglei Ramthar Branch YMA aiawhte'n Nghasiha Myanmar Refugee Camp an tlawh a, awarness campaign an buatsaih.

Lunglei SP chuan Mizoram chhunga ruihhlo kaihhnawiha an man tam zawk chu Burma mi an nih thu sawiin, 'Heng mite hian a inhnamhnawih ve lote an ti hmingchhia. India ramah refugee ang pawha in awm theih loh laia misual tlemte avanga in hmingchhiatna hi ṭangruala in beih let a ṭul. Heng misualte avanga hian in awmna hmunah in awm reng theih loh a hlauhawm,' tiin raltlante chu lirthei an khalh theihloh thu leh an neih ve theih loh thu hrilhin, hetian ti lui an awm chuan dan anga hmalak anih tur thu a sawi.

Camp an tlawh chhan chu tih ṭhaih tur ni loin thlamuan tur zawkin a ni tih sawiin J Lalmuankima chuan, 'In awmna hmuna him leh hlim taka awm in duh chuan rukruk leh ruihhlo laka an fimhlim a ngai. Dan lova sumdawnna te tive lo ang che cu. Dan loa sumdawnna-a inhnamhnawih in hriat chuan a rang lamin thuneitute hnena thlen ṭhin ang che u. Chu chu Mizorama cheng Mizote min ṭanpui ve theihna a ni. Raltlan nunaute leh kum upa lamte him taka an awm zel kan duh,' a ti.