Maumuala ram neitute'n CM an kawm

Vawiin (24.4.2025) chawhnu khan Aizawl Maumuala LSC nei intel khawm Maumual Land Owners’ Association hruaitute chuan Chief Minister Lalduhoma a office-ah an kawm.

Maumual Land Owners’ Association tarlan danin, Chief Minister chuan Aizawl Maumualah in sak phal a nih veleh ram neite chu kawng hnaih lutuka in sa lo turin a chah a, Aizawla Veng nuam tak din thei tura chahin, vantlang ram turte pawh khawtlang tana tangkaia hman a nih nan lo humhalh tlat turin a sawm a, 'Maumualah hian a tira returnee ram pek chinho (phase I) chin bik resurvey zawh a nih hunah ram awl a lo awm a nih pawhin mimal hnenah pek ka duh ve lo,' a ti.

Chief Minister hnenah hian Maumual Land Owners’ Association-te hian harsatna an tawh hrang hrangte leh Maumualin a mamawh a panna kawng leh PHE tui connection dilnate an thlen a, CM hian an harsatna hi  chinfelpui a lo tiam a, theihtawpin hma a lakpui nghal.

Maumual ram hi kum 1987 chhoah returnee-te tana sawrkarin a pek a ni a, kut thlak theih rih lova resurvey a ni. Approved mai hmabak nia hriat thu thlenin,a ranglama in sak phalna pe vat tur leh resurvey pawh approved tawh turin CM hi an ngen. Chief Minister chuan a rang thei ang bera hma laksak a lo tiam a ni.

Maumuala returneee tana pek ramte hi returenee ni lo mi tam takin an lei chhawng tawh a, retunee ram la neite pawh an la awm nual a ni, Maumual Land Owners’ Association hian CM Relief Fund atan member-te'n an thawhkhawm Rs.23,400 an chhunglut nghal.