Scooty-in a sut vangin thi

Nimin (8.9.2025) zing dar 12:20 vel khan Myanmar atanga rawn raltlan Lalrinsangi (55), Sihhmuia awm chu scooty (scooter) in a sut vangin a thi.

Bengvarna thudawn danin, Lalrinsangi hi scooty hian Sihhmui Bazar kawng pheiah ni 7.9.2025 zan dar 9 velah a su a, a lu leh a ngalah hliamna tak a tuar. Civil Hospital, Aizawl panpui niin, a tuk zing dar 12:20 velah a hliam tuar loin a thi.

Scooty khalhtu Lungverha awm nia hriat pawhin hliamna tak a tuar a, Sairang Damdawi In panpui a nih hnuah Civil Hospital, Aizawl panpui leh a ni. A kawng hnuai lam che thei loin, nikhua pawh a hre lo nia sawi a ni.

Lalrinsangi hi a pasal fanaute nen an rawn raltlan a, a pasal hi Myanmar lamah let leh tawhin, a fate pahnih tleirawl leh kum 12 vel mi a awmpui. A fate dang pahnih chu Myanmar-ah an awm nia hriat a ni.