Sernung tlangzarh a ni ta
admin 15-Sep-2024 05:45 PMTlaizawng Visual Production film thar, 'Sernung' tih chu nizan (14.9.2024) 8:30 khan Vanapa Hall-ah tlangzarh a ni a, Lersia Play-ah lei theiha dah nghal a ni.
'Sernung' ah hian Mizo zaithiam lar, Zaii Hauchhum pawh a inlan. A film Original Soundtrack (OST), 'Thawnthu Hlui' pawh August 10, 2024 zanah Zaii Hauchhum channel lamah a chhuak tawh nghe nghe. Release Function-ah hian Zaii Hauchhum hian OST hi a sa.
He film-ah hian Mizo film industry lama kan la hmuh ngaih loh hmel thar kan hmu nual dawn a, a changtute pahnih - Sumeon Malsawmdawngkima leh Esther Laldinpuiite pawh hi film dangah kan la hmuh ngaih loh an ni.
Aizawl, Khanpui, Saitual leh Keifang khuaahte shooting hi neih niin, director chu Duha Ralte a ni a, co-director John Laltluangliana Chhakchhuak leh director of photography Daama Chawngthu a ni. A film genre hi suspense thriller a ni a, hnam dangte pawh en theih turin English subtitle dah tel a ni.
