TBC-a leh Andrew-a music video zaninah

TBC Zaithanpuia leh Andrew Laltlankima te'n an siam dun, music video pakhata hla nung tak awm chu zanin dar 8:30 hian chhawpchhuah tum a ni, single thar an tihchhuah tur hi an phuah dun a ni nghe nghe.

Hman deuh khan an thiandun (TBC-a leh Andrew) te hian an thian dangte pahnih - Henry Varte leh Freddy te nen group angreng deuhah siamin, an awmkhawm a, Pathian rawngbawlna lam hla nun tak takte tichhuakin hun eng emaw chen chu Boyband angin an lo awm ho tawh. Mahse, hun a kal ve zel a, tulna leh tuanna hrang avangte'n awmkhawm reng an harsat hnuah, an boruak pawh a reh vang vang ta.

Mahse, tun hnaiah, Andrew leh TBC-a te hian an hun hlui lamah rawn kirin, hun rei tak atang tawha an lo buaipui tawh, 'A Ta Ani' tih chu zanin hian tihchhuah an tum a. TBC-a YouTube channel-ah ngaihthlak theihin chhawpchhuah a ni ang.

He hla, Andrew leh TBC-a te phuah dun, 'A Ta Ani' tih hi kum 2012 daih tawh khan, chang khat leh a thunawn vel an lo phuah daih tawh kha a ni. Chumi atanga kum li (4) hnuah a chang hnihna leh a bridge an phuah belh leh ta a. Mahse, music video tihchhuah mai an tum viau nain, remchanna lohnain a nan zel takah rei tak rialin, an rehsan leh tak hnuah, zanin hian tihchhuah theih turin an puitlin ve ta a ni.

'A Ta Ani' music video nun tha tak mai, a hla nen pawh a inhmeh hle. Zanin (12.10.2024) dar 8:30 ah TBC-a YouTube channel lamah lo chang rawh le.