Vanlalruati zan hmang dawn

Zofate zingah Vanlalruati hre lo kan vang viauin a rinawm, fam chang tawh mah se, a aw erawh Mizote thinlungah a la thi lo. Vanlalruati pual hian Zonet Arkaiden zan vawi 6-na chu zanin hian hman a ni leh dawn a, Vanlalruati zan atan hman a ni ang.

Zanina hun hman tur hi tum danga Arkaiden zan hman thin ang lo deuhin hman a ni dawn a, TNT tana vehbur khawnna a ni dawn a, G Pay kaltlanga khawn tur a ni.  Hun hmanna tur pawh hi TNT Ground-ah a ni dawn a, zan dar 8 atangin tan a ni ang.  Zonet Zawlbuk, Zonet HD leh Zonet Empai-ahte live-in an a duh tan chuan en theih a ni dawn.

Vanlalruati hla lo sak tawhte - fakna, lenglawng leh lengzem te chu tunlai zaithiam larten an rawn sa dawn. Zai turte chu - Michelle Varte, Zaii Hauchhum, Zoramchhani, Zothana, Duhawma Chhakchhuak, Zorini Khiangte, Cindy Lalthanpuii, Zorinsanga, Ngura bakah Lilac & Jacks Band-te an ni.

Zaithiamten Vanlalruati hla an rawn sak turte hi - Lalpa chak lo mah ila, Ka perhkhuang zaitin thiam, Hawilo par, Hrai chawi, Zoawi Lelte, Mim ang kan piang hmun ta silo, Tleitiri, Engan ka lo tawn che, Awmkhawhar lenkawl, Lengdang dar ang a chhai an ti che, Khuavel i la chhing ngei ang, Tawnthar D Valmawi, Phuloh lenmawi, Kan chan tawkah ka lungawi lo, Chhingkual  lenmawi, Autograph, Hmangaihna vanduai, Tuai duh lawmlai Valte, pari zun leh Tunge Ruati i ngaihzawng  te an ni.  TNT Ground-a hun hmanah hian Vanlalruati chanchin tarlanna, video display neih a ni dawn bawk a, a chhungte aiawhin u, Vanhmingliana'n thusawina hun a hmang bawk ang.