Taitea'n million view pahnih a nei

LPS Youth Icon, 2024 zet zawngin ngaihhlut a hlawh hle a, an zai lai pawh Youtube lamah entu an tam tawh hle. Youth Icon atana thlan tak Lalsangliana (Taitea) chuan million view video pahnih a nei ta der mai.'

Taitea hian music video a la siam loa, million view a neihnate hi Youth Icon-a an intihsiakna LPS Vision lamin an Youtube channel-a an dah chhuahte a ni. Ani bak hi tun dinhmunah LPS-in Youth Icon ho zai an channel-a an dah chhuah zingah million view nei an la awm lo.

Lalsangliana'n million view a neihnate chu 'Khawnglungrun' tih leh 'Nang lo chuan' tih a sak tumte kha an ni. 'Nang lo chuan' tih a sak hi October 16, 2024 khan upload niin, he thuziahlai hian mi 10,47,619 in an en tawh.

Million view a neihna dang leh 'Khawnglungrun' tih a sakna video chu October 17, 2024 khan upload niin, he thuziahlai thleng hian mi 10,31,484 in an en tawh. Lalsangliana zai lai entu hi an la pun chhoh zel a rinawm.