Zirtirtu mi pun thinte chungah action la dawn

Education Minister Dr Vanlalthlana chuan vawiin (11.7.2025) hian a office-ah press conference neiin zirtirtu insawn hreh avanga khawtlang leh zirlai pawl pun thinte chungah action lak a nih dawn thu a sawi.

Education Minister chuan zirtirtu insawn an hreh avanga khawtlang leh pawl an pun thin thu sawiin, 'Mizoram a zim a, hetianga min pun thinte hi chu kan in hre chhuak leh zel tho. Tun hma pawha action an lak thin angin na takin action lak a ni dawn,' tiin zirtirtute chu insawn an hreh vanga midang pun lo turin a chah.

Khawtlang leh zirlai pawlte chu zirtirtu dinhmun hrechiang tura a duh thu sawijn Dr Vanlalthlana chuan, 'Zirtirtu inkhairual thei ang bera tih kan duh vangin transfer an posting ti kan ni. A kilkhawr berte pawh zirtirtu indaih ve deuh se kan duh. Hma kan la chho zel dawn, thingtlang kilkhawr zawka indaih lohna hi zawi zawia a reh theih kan beisei,' a ti 

Education Minister sawi danin, primary school tan casual teacher 235 lak an ni dawn a, casual teacher hi middle school leh high school atan dil mek a ni