Pawisa tam tham tak rutu man a ni

Lunglei Police atanga Bengvarna thudawn danin ni9.7.2025 (Wednesday) zan dar 8:00  khan H.Lalmuanzuala s/o H.Lalbiaksanga of Venglai, Lunglei chuan Lunglei Police Station,-ah FIR thehlutin, an inkhawm hlanin an inah misual tu tih hriatlohin an in tukverh kalhna tichhia a lo lutin, a room drawer a pawisa a dah Rs.1,00,000/- (approx) chu ruk chhuah a nih thu leh he misual hi tunge a ni tih hriat mai theih a nih loh thu a thlen a ni. 

Police-te chuan thubuai ziaklut nghalin, pawikhawihtu hi rang taka zawn nghal a ni a,  ni 10.7.2025 zan dar 10:00 velah Bazar Veng, Lungleia an inah man a ni. Amah hi Lalngaihsaka (22) s/o PC.Vanlalmawia of Bazar Veng, Lunglei a cheng niin, a kut atang hian a pawisa ruk Rs.1,35,500/- chu hmuh let niin, Lunglei Police Station-ah hruai nghal a ni.

He pawikhawihtu hi rang taka man a nih theih chhan hi pawisa a lakna in bul hnai leh a chheh velah CCTV mimal inahte vuah a nih vang leh rang taka complaint thehluh a nih a, bawhzui nghal a nih vang a ni.

Mimal leh office te CCTV vuah pawimawh zia hre thar a, a theih hram chuan camera quality tha leh CCTV footage memory dah rei thei vuah hram turin Lunglei Police chuan a ngen thar leh. Hnu chhuina kawngah CCTV tangkai zia hre thar a, kan in leh a velte zanah light ti eng hram turin an ngen bawk a ni.