Health Minister-in NEIGRIHMS a tlawh

Health & Family Welfare Minister Dr R Lalthangliana vawiin (26.8c.2023) hawhnu khan North East Indira Gandhi Regional Institute of Health & Medical Science (NEIGRIHMS), Shillong a tlawh a, NEIGRIHMS Director Prof. Dr. Nalin Mehta; Medical Superintendent Prof. Dr C Daniala leh thawktu dangte nen thil pawimawh hrang hrang an sawiho a ni.

Inkawmhona ah Dr. R. Lalthangliana chuan ZMC-a Cardiology Department bultan theih dante sawipuiin, hemi atan cheng nuai 100 hmuh a nih thu Dr. Nalin Mehta a hrilh.

Health Minister-in ZMC-a din tur Cardiology Department tana doctor, nurse leh technician-te tan a thlawna training tih sak tura a ngenna chu NEIGRIHMS Director chuan a theih ang angin hma a lo lak sak tur thuin a chhang.

ZMC-a department hrang hrangte tihchangtlun leh tihphuisui nan NEIGRIHMS thiamna a bikin training tawi ang chi lam an mamawh thu sawiin hemi kawnga thawhdun theih dan kawng dap sak turin  Health Minister chuan NEIGRIHMS thuneitu a ngen a, a theih ang anga thawhho dan kawng an dap tur thu an sawi.