I kawtkaiah an pan thei che

Aizawlah thalaite'n hnathawh an intih hmuh mek zel a, tunhnaiah i kawtkaia in bawlhhlawh rawn la a, a paihna hmuna paihsak thei che Aizawl Garbo din a ni leh ta. Aizawl Garbo-ah hian Mizo thalai hlang vek an thawk.

Aizawl Garbo hian zan lamah i in leh dawr bawlhhlawhte i kawtkaiah rawn la turin an inpeih reng. Rate bituk neiin, an rate bituk ang i inhuam chuan i duhna hmunah in in leh dawr bawlhhlawhte i lo chhawp anga, zan lamah an rawn khawn ang. Lo nghah buai ngai miah loin an rawn lak sak thei dawn che.

Mimal/chhungkaw bawlhhlawh chu kartin vawi hnih an paih sak thei a, kartin vawi khat paih man thla khatah Rs. 350 niin, kar tih vawi hnih i duh chuan thla khatah Rs. 450 a ni. Zan khatah kg. 7 aia tam lo emaw, garbage bag lian panga aia tam lo a nih a ngai thung.

Dawr bawlhhlawh chu kartin vawi thum a paih theih a, vawi khat emaw vawi hnih chauh duh tan pawh buaina tur a awm chuang lo. Thla khatah kar tin vawi khat duh tan Rs. 450, vawi hnih duh tan Rs. 600 leh vawi thum duh tan Rs. 1200 a ni. Zan khatah kg. 15 aia tam lo emaw, garbage bag lian 10 aia tel lo a ngai thung.

Tun dinhmunah Aizawl Garbo hi Aizawl veng 20-ah an service mek. Hriatchian lehzual i duh chuan mobile phone number 6009878706 emaw 9862284819 ah zawhfiah theih a ni.