Tlangsamah kuhva rah thahnem tak man

Assam Rifles leh Custom Preventive Force tangkawp chuan nimin (24.4.2024) khan Myanmar atanga lakluh ni ngeia hriat kuhva rah thahnem tak Tlangsam, Champhai District-ah an man. 

An thudawn bawhzuiin Assam Rifles leh Custom Preventive Force-te hian joint operation an nei a, Tlangsamah hian truck pathum atangin kuhva rah bags 205 manin, truck khalhtute pawh an man nghal. 

Kuhva rah bags 205 hi cheng vbc. 1.14 man hua chhut a ni a, dan anga bawhzui turin Custom Preventive Force-ten an kawl.