Zirlai damlo kanna hlan

Class VI zirlai Jeffrey Lalruatfela, Bairabi chuan a taksa lama harsatna chi hrang hrang a tawh avangin a inenkawlna atan MZP Sub. Hqrs., Bairabi bultumin a inenkawlna tur sum zirlaite'n an thawhkhawm.

Bairabi MZP chuan Jeffrey Lalruatfela in enkawlna atana zirlaite sum thawhkhawm zawng zawng Rs. 60,840 chu nizan (24.4.2024) khan Jeffrey-a hnenah hian an hlan. Jeffrey-a hi chuap pneumonia, kal na leh phing lawng natnain a tlabuak a ni.

Jeffery atan hian Bairabi MZP-te'n sum thawh theihna bank account an tarlanah Rs. 37,250 lutin, sikul hrang hranga zirlaite'n an thawhkhawm Rs. 23,600 nen, a vaiin Rs. 60,840 a tlingkhawm a ni.