Ruatfela Nu-in FIR a thehlut

Vanramchhuangi (Ruatfela Nu) chuan vawiin (25.4.2024) hian Aizawl Police Station-ah FIR thehlutin, septic tank sahtute chunga dan anga hmala nghal turin a ngen.

Vanramchhuangi chuan FIR a thehluhah hian vawiin (25.4.2024) chawhma dar 11:5 vel khan Sikulpuikawn atanga Mission Veng chhukna Theipalingkawh Road-ah chhun pachanga septic tank ni ngeia lang sah an awm tih tarlangin, 'A luang ri hum hum a, Kawltheihuan lamah luang thlain, a veng uihin a uih khat tlat a ni,' a ti.

He thil titute hian an mihring puite eng atan mah an ngai lo tih tarlangin Ruatfela Nu chuan, 'Khaw eng pawh zah loin mipui tawrhna an thlen a ni. April thla pawh khan hetiang hi a lo thleng tawh nia sawi a awm,' tiin septic sah ni ngeia lang chhui chiang a, a titute chunga dan anga action la turin a ngen.