Excise officer-te an thukhawm

Vawiin (25.4.2024) chhun khan Excise & Narcotics Department chuan Quarterly Meeting of Senior Officers chu Commissionerate of Excise & Narcotics Conference Hall-ah an hmang a, kumin chhunga zu leh ruihhlo an man tawh zatte tarlan a ni.

Meeting hi Excise Commissioner Z Lalhmangaiha'n kaihruaiin, an hun hmanpuitu Excise Secretary Lalramsanga Sailo chuan Excise &
Narcotics Department-in kawng hrang hranga hma a sawn avanga lawmawm a tih thu sawiin, department-in resource a neihsa hman tangkai leh zuala, tun aia awmze nei zawka thawk zel turin a fuih.

Lalramsanga Sailo chuan Excise & Narcotics Department-a thawktute chuan midang aiin ram kan hmangaihzual bik a ngai tih sawiin, 'Mipuiin min hriat dan hi a dik leh a tha zawng a nih zel theihna atan tan lak a pawimawh,' a ti.

Meeting-a tarlan a nih danin, Excise Department hian kumin (April 25 thleng) chhungin rakzu litres 21,963.575, zubilhlai tin 37,274,  a senchi (a full) bottles 5,122; a senchi (a half) bottles 778; a senchi (a quarter) bottles 2,632, beer (180 ml) bottles 2,632 leh beer (50 ml) can 6,891 an man tawh.