Kutthlakna avangin thi?

Veronica Lalkrawsthangi (34), Khawlailung, Serchhip District chu a pasal Lalthlangkima'n kut a thlak avangin ni 10.5.2024 (Zirtawpni) zan khan a thi nia hriat a ni. Lalthlangkima hi kum 26 a ni. 

Bengvarna thudawn danin, Lalthlangkima hi ni 11.5.2024 (Inrinni) zing khan a pizawn H Lallianzeli chu mobile phone hmanga biain, a nupui a kaihthawh zawh loh thu a hrilh. 

A  pizawnte hi Lalthlangkimate inah kalin Veronica-i hi an enchian chuan kutthlakna avanga thi nia an hriat avangin police hnenah report an tum thu an sawi.

Hemi hnu hian Lalthlangkima hian a nupui hi zan lama kut a thlak thu leh a tum aia na-a a khawih avanga thi a nih theih thu a sawi chhuak a ni. 

Lalthlangkima hi Khawlailung bialtu North Vanlaiphai Police-ten an la a, police bulah pawh a nupui kut a thlak thu a pha lo. Court-a hruai a nih hnuah vawiin hian Serchhip District Jail-ah dahluh a ni.