Universal Health Care Scheme buaipui

ZPM chuan vawiin (20.5.2024) hian an office-ah chhung inkhawm an hmang a, thusawitu ZPM hruaitu Lalrinpuii, Health Minister chuan Universal Health Care Scheme an buaipui mek niin a sawi.

Health Minister chuan health care scheme chu nasa taka zirchian ngai a nih avangin uluk takin, tum eng emaw zat official-te nen an sawiho thu sawiin, 'Tunah hian mipui huapzo Universal Health Care Scheme hi a taka kalpui a nih theih nan hma kan la mek a ni. He health care scheme-ah hian cheng nuai 5 (nga) thleng pawisa pek ngai loin damdawi inah kan in enkawl thei dawn,' a ti.

Thla ruk dawn sorkarna kan lo chang ve dawn ta tih sawiin Lalrinpuii chuan, 'ZPM chu kalphung thar mipui sorkar a nih ang leh kan Chief Minister-in a lo puan angin Year of Consolidation kan kalpui mek a ni,' tiin an party manisfesto tihlawhtling tur chuan an kutke ber sorkar hnathawkte an policy nen inrem tura an hrilhfiah nasat a ngaih thu a sawi.

Plan dik tak duan hmasak a, inbuatsaihna tha nen hma an lak a ngai tih sawiin, 'Inbuatsaihna tha awm lo chu hlawhchhamna a nih angin, hlawhtlinna hi inbuatsaihnaah a innghat a nih tih hriain theihtawpin kan lo inbuatsaih a ni,' a ti.