Lunglei MZP-in kawng an dang dawn

Mizo Zirlai Pawl Hqrs., Lunglei Executive Committee vawiin (25.4.2025) a an office-a thukhawm chuan ni 15 chhunga Aizawl - Thenzawl - Lunglei (ATL) road sum pawhpen nia an hriat dah let tura sawrkar an ngenna a hlawhtlin loh avangin; April 28, 2025 (Thawhtanni) atangin Pukpui daiah ATL dan an rel.

MZP Hqrs., Lunglei hian ATL road siamna tur sum cheng vbc. 90.69 atanga cheng vbc. 45 pawhpen ni ngeia hriat avang leh  ATL road kawng chhe chin, Kanghmun South leh Kikawn inkar kms. 70 vel a nih laia, kms. 14 (Pukpui dai leh Mausen dai inkar) chauh siam tuma sawrkarin cheng vbc. 45.89 chauh a dah duh loin, April 9, 2025 khan Lungleiah lungawi lohna an lo lantir tawh a ni.

Lungawi lohna an lantir tum hian sawrkar chu ni 15 chhungin sum pawhpen dah let turin an phut. An thil phut hian awmzia a neih loh vangin kawng dan an rel ta a ni.

Thlalak : April 9 a lungawi lohna an lantir tum