CM leh Assam Team inkawm
admin 10-Aug-2024 01:33 PM
Ramri chungchanga Mizoram rawn kal Assam Border Development & Protection Minister Atul Bohra leh amah tawiawmtute chuan tukin (10.8.2024) khan Chief Minister Lalduhoma a chenna bangla-ah an kawm.
Chief Minister chuan, 'Ramria kan harsatna hi kan hunlai ngeia chin fel tuma hmalak kan duh. Inbiakna hi vawi tam tak a lo awm tawh thin a, thutlukna hi status quo tih a ni deuh zel a. Hei hi inremna tak tak thlentu ni loin a tihkhawtlaina mai a nihna chen a awm. Official level ah inbiakna a kal zel ang a, a pawimawh zawk chu ram hruaituluten inrem duhna tak takna rilru pua hma kan lak tlan hi a ni,' tiin Atul Bora hi a lo hrilh.
Mizoram Sorkar thuchhuah tarlan danin, inremna neih fel hma chu a khawi lam ve ve mahin ramriah buaina thlen thei harsatna siam loh tha an tih thute Lalduhoma leh Atul Bora hian inpawh takin an sawi dun.
Atul Bora pawh hian inremna tluantling nei tura inbiakna neih zel chu tha a tih thu sawiin inkawmna hun tha a siamsak avangin Chief Minister hi lawmthu a hrilh a ni.
