Lirtheia chesualte hnen atangin meth man
admin 10-Aug-2024 08:32 PM
West Phaileng Police-te chuan nimin (9.8.2024) khan Damparengpui thlen hman deuhah hnamdang pahnih hnen atangin methamphetamine thahnem tak an man.
West Phaileng Police-te hian Damparengpui thlen hma West Phaileng atanga kms. 24 vela hlaah hnamdang pahnih Tripura mi ve ve Sagar Das leh Tapasa Saha chu scooter (scooty) hmangin an chesual tih report an dawng a, chetsualna hmun an pan nghal. Scooty hian hnamdang pahnihte hi kawng thlangah an tla a ni.
Police-te'n an enchian chuan an bag atangin methamphetamine kg.s 13.930 an hmu chhuak a, an man nghal. Tualchhunga hralhna ang chuan cheng nuai 181.90 hua chhut a ni.
Sagar Das zawk hi nikhaw hre loin a awm a, nizanah West Phaileng PHC-ah enkawl a nih hnuah Aizawla enkawl tura phurh a ni. Tapas Saha chu Mamitah lak niin, thuzawhfiah mumal theih a la ni lo.
