TJA-a'n MNF OB-te a fak

MNF chuan vawiin (18.10.2024) chhun khan an office-ah chhung inkhawm an hmang a, thusawitu MNF General Secretary TJ Lalnuntluanga, Ex. Minister chuan MNF office bearer ni mkete fakin, 'Mizorama assets pawimawh zawng zawng hi Mizo hnam movement kalpuitu MNF kut chhuak deuh vek a ni,' a ti.

TJ Lalnuntluanga chuan Aizawl leh district khawpui zawng zawnga development tam ber hi MNF Ministry kutchhuak nia sawiin, 'Aizawl khawpui hmel lo danglam ta viau mai te, thingtlang khaw chengker ber thlenga inkalpawhna kawng atangte hian kum 40 chhunga kan hruaitute kha awm mai mai loin, hna an lo thawk tih mipuiin an hriat a tul,' tiin MNF chuan an tho chhuah leh thuai tur thu a sawi.

MNF GS chuan MNF Elected OB-te fakin, 'A mimal ang theuh pawha Mizoram tan sulhnu nei tha an ni. Party dang hruaitute nen chuan khaikhin rual an ni lo. MNF hmabaka eng thar hle a, Congress ni lo, MNF ni lo thla 10 lek sorkarah hian party ngaihsak ve lo leh neutral mipui an beidawng nasa tawh. Sorkar thar hi hnathawh thiam ber leh hre ber angin an insawi a, mi dang sawisel rengin an awm a, an sawisel thin ang chiah khan sawisel an hlawh ve ta a ni,' a ti.