Goa-ah Mizo tlangval, motor-in a su

Tukin (9.11.2024) khan Zohmingliana (25 vel), Aizawl chu Goa-ah motor-in a su a, a dinhmun a tha vak lo.

 Goa Mizo Welfare hruaitute hnen atanga Bengvarna thudawn danin, Zohmingliana hian scooty a khalh a, wrong side-a motor rawn tlanin a su nia hriat a ni a, a sutu hi police-in an man tawh. Zohmingliana chhungte pawh chanchin hrilh an ni tawh. 

Zohmingliana hian nikhua a hre loa, CT scan result atang chuan a thluak a sawh lo. A khabe ruh a sawh na hle a, a bengahte thi a chhuak. A na ti a rawn au chhuak leh thin. 

He thuziahlai hian an la zai ngam loa, drip khai mek a ni. Goa Mizo Welfare hruaitute chuan zanin hian zai theih a nih an beisei. 

Zohmingliana hi casino-a thawk niin, a thawh mekna atanga bangin, tunhnai maia casino danga thawk tur a ni.