Refreshment ei vangin harsatna tawk

Ni 18.11.2024 zana Zemabawk Corps SAY Fak Zai inkhawma refreshment an sem sandwich leh eclairs an sem eitu mi eng emaw zatin harsatna an tawk.

Thudawn danin, refreshment eitute hi zing atangin pumna leh luak avangin an buai tan a, mi 12 in Civil Hospital, Aizawl; mi 10 in Greenwood Hospital, mi pahnihin Synod Hospital, mi pathumin Zemabawk UPHC an pan.

Damdawi in pantute zingah hian mi pariat admit an ni a, an admit nate chu Greenwood-ah mi pathum, Synod Hospital-ah mi pahnih leh Zemabawk UPHC-ah mi pathum a ni. An nat dan tlangpui chu khawsik avanga tlun, luak, pumna, kawthalo leh thawhahte a ni.