CESJ-in court-a thlen an tum

Centre for Environment and Social Justice (CESJ) Mizoram chuan thuchhuah siamin, 'Mizo society-a thleng tura kan duh loh ber hmeichhe awm nem zawk hmeithai a in aṭanga hnuh chhuah a nih mai bakah a in ṭhiah sak a nih chungchangah Seling khua panin hma kan la nghal,' an ti.

CESJ tarlan danin, hmeithai ṭap thawmin Mizoram mipui a au eih a, an hriat rualin vawiin (20.11.2024) hian Working Chairman Vanramchhuangi (Ruatfela Nu), General Secretary VL Thlamuanpuia bakah Adviser Dr. Vanramliana (PUC) te bakah member ṭhahnem tak an kal nghal. Seling NGO/VC te nên VC House-ah meeting pawimawh tak an nei.

He thil thlenga inhnamhnawih zawng zawng, in ṭhiah sak anihna tura order pe tute thlengin leh dan palzûttu, in ṭhiahna order an dil pawha Seling khaw mipui NGO-te hmaa order copy pêk tur pawh nei lo chunga in ṭhiattute thlengin, dan anga hremna na tak an hmuh ngeih theihna tûrin CESJ chuan na takin hma ala ngei dawn a ni tih Mizoram mipuite an hriattîr.

He thila inhnamhnawih zawng zawng hian dan an bawhchhiatna a len em vangin court sang zawk beng athlen theih nân CESJ-in hma ala ngei ang, an ti.