MFA-in player an hrem belh

Mizoram Football Association (MFA) chuan match fixing kaihhnawihah football players pariat a  hrem belh. Kum 3 chhung atan football kaihhnawiha inhnamhnawih lo tura hrem an ni.

MFA chuan, 'Football zahawmna humhim a nih theihna atâna hma a lâk chhohna kawngah Mizoram Premier League - 11 a Football zahawmna tibawrhbângtu player te, official te leh Football Club chungah thununna a lo lek tawh. 

Thil dik lo zawn chhuah kawnga Mizoram Football Association thawhpui a, thlâwp tlat tute leh kan player ten thu dik puang chhuak a, game in hma a sawn nâna kan hmalakna min ṭanpuina zarah, Football zahawmna leh thianghlimna tihbawrhbân kawnga player inhnamhnawih hriat belh zel a ni. Heng Player te chunga thununna lek a ngai chhunzawm ta zel hi pawi kan ti tak zet a ni.

Mizoram football hmasawn zêlna atân Mizoram Football Association chuan footballer-te leh mitin thawhho puiah a sawm nawn leh a ni,' an ti.