Chief Minister-in kawm

Vawiin (14.1.2025) chawhma khan Chief Minister Lalduhoma chuan a office-ah Dr. Anju Gaur, World Bank Water Resource Specialist a kawm a, National Hydrology Project, Mizorama an kalpui mek chungchang leh World Bank kaltlanga hmalak theih chite a sawipui.

India ram pumpui water resource data neih tumin Sawrkar Laipui chuan Ministry of Jal Shakti kaltlangin World Bank nena tang dunin National Hydrology Project a kalpui mek a, Mizorama he hmalakna enpui turin Dr. Anju Gaur hi a rawn zin mek a ni. Dr. Anju Gaur hian Mizoram Sawrkar hmalakna chu lungawithlak a tih thu Chief Minister hi a hrilh.

Chief Minister hian, ruahtui khawlkhawm theihna lian tham tak kalpuina tur Mizorama a awm thu a lo hrilh a, National Hydrology Project an kalpui mekah duhsakna hlanin, tuihna humhalh leh tui lam kaihhnawih hmalakna, World Bank hnuai kalpui theih tur chite a sawipui bawk.

Chief Minister hi Vanlaldina Fanai, Commissioner & Secretary to CM leh R Lalrodingi, OSD to CM-ten an tawiawm a ni.