Mamawia a rawn che dawn

Youth Icon Star, thalaite duh rawn em em Ramengmawia'n Music Video thar a ti chhuak hnai a, January ni 10 bawr velah tih chhuah a tum.

LPS vision production buatsaih Youth Icon 2024-a palina Mawimawia chuan Single Music Video thar tur chu Krismas vuakvetah khan a buaipui a, tunah hian an peih fel thawkhat tawh a, January ni 10 bawr velah chuan a tih chhuah theih beisei a ni.

Mawimawia video thar tur hi a hla phuah "Lassi iang" tih a ni a, music video ah hian Youth Icon top 10-a a thiante pawh an in lan dawn a, a fans te tan chuan a ngahhlelhawm tawh hle.

Mawimawia hian Youth Icon-a a tel hma in Music Video pahnih 'Suangtuahna' leh 'Kan tana ruat a ni si' tih chu a lo ti chhuak tawh a, heng hla pahnih te hi duh tu an tam hle a, Suangtuahna tih bik hian Youtube ah Million View a kai a, 'Kan tana ruat a ni si' tih pawh hian million view a hnaih tawh hle. 

Meidum tlangval aw tham mawi tak neitu Mawimawia hi naupang, thalai leh nu leh pa te pawhin a zai an ngaina em em a, Icon intihsiak zawh fel hnu atang khan zaia sawmtu a ngahin hun awl nei mang lo in hmun hrang hrangah a zai kual thin a ni.