Kuhva phurhah ngenna siam

Khualen Village Council (VC), Khawzawl District chuan Khawzawl to Sinzawl, Thanlon (KST) road-a kuhva rah chungchangah ngenna leh hriattirna an ti chhuak.

Khualen VC chuan KST road-a dan phal loa kuhva tawlhruk chungchanga ngenna leh hriattirna an chhuahte kuhva phurh lirthei khalhtute ngaih pawimawh sak turin an ngen.

Khualen VC ngenna leh hriattirna :

1. Khawzawl to Sinzawl, Thanlon (KST) Road Khualen ram chhungah dan loa ram dang atanga lak luh kuhva tawlh ruk phurh tlang phal a ni lo.

2. KST Road hi siam lohna a rei tawh avangin kawng a chhe tawh hle. Thla hnih dawn dan loa kuhva tawlh ruk phurh a nih tawh avangin kawng a chhiat phah tawh hle. Damlo phurh nan pawha kawng a chhiat lutuk tawh avangin he kawnga dan loa kuhva tawlh ruk a reh theih nana hma la thar turin sorkar leh thuneitute kan ngen a ni.